کور پاڼه / لوبي / آى پي ايل: چناى حېدراباد مات کړ او پايلوبې ته لاړ

آى پي ايل: چناى حېدراباد مات کړ او پايلوبې ته لاړ

د هند تجارتي ليګ د کواليپاى پړاو په لومړنۍ لوبه کې چناى سوپر کنګز سنرايزرز حېدراباد لوبډله ماته کړه او د آى پي ايل پايلوبې ته يې ځان ورساوه.

د لوبې پچه چناى ګټلې وه او حېدراباد ته يې د توپوهنې بلنه ورکړې وه.

حېدراباد په ټاکلو شلو اورونو کې د ٧ لوبغاړو په تاوان ١٣٩ منډې وکړې، چې کارلوس بريتوېټ ٤٣، يوسف پټان ٢٤، کين ويليميسن ٢٤، شکيب الحسن ١٢ او ګوسوامي ١٢ منډې وکړې.

ډي جى براوو ٢ او نورو ټولو توپ اچوونکو يوه يوه ويکټه واخيسته.

د ياد هدف ترلاسه کولو لپاره چناى توپوهنې ته راووت. چناى په ١٩.١ اورونو کې د ٨ لوبغاړو په تاوان ١٤٠ منډې وکړې او بريا يې خپله کړه. د چناى له خوا فيف دو پليسيس ٦٧، سريش راينا ٢٢، شاردل ټاکور ١٥ او ديپک چاهار ١٠ منډې وکړې.

د حېدراباد له خوا تر ټولو ښه توپ اچوونه راشد خان وکړه، چې په ٤ اورونو کې يې ١١ منډې ورکړې او ٢ لوبغاړي يې وسوځول. له راشد خان پرته سنديپ شرما ٢، سدارت کول ٢ او بوينشور کمار ١ ويکټه واخيسته.

د لوبې نتيجه دا شوه، چې چناى په دوه ويکټو بريا ترلاسه کړه، چې ٥ توپونه لا پاتې ول.

چناى سوپر کنګز د لوبې په ګټلو سره د آى پي ايل پايلوبې ته لار ومونده.

د لوبې د غوره لوبغاړي جايزه فيف دو پليسيس ته ورکړل شوه، چې چناى لوبډله يې بريا ته ورسوله.

سبا ورځ د کلکته نايټ رايډرز او راجستان رايلز ترمنځ لوبه ده، چې په دې لوبه کې کومه لوبډله بريالۍ شوه، له هغې سره به سنرايزرز حېدراباد لوبډله لوبېږي، چې په دغه لوبه کې کومې لوبډلې بريا ترلاسه کړه، هغه به بيا په پايلوبه کې د چناى سوپر کنګز سره مخامخېږي.

Loading...

بیا وګوره

له هوش او جوش ډکې، ۲۰۱۸  کال ای پي اېل لوبې

بلاخره د سږ کال ای پي اېل لوبې وروسته له شاوخوا څلوېښتو ورځو د چنای …

کرکټ بورډ

د کرکټ بورډ په اوړو کې بيا هم شګه ده

دا چې افغان لوبډله بنګله دېش لوبډلې سره راتلونکې مياشت د درې شل اوريزو لوبو …