کور پاڼه / راپورونه / ولسمشر غني وايي ترهګر هېڅ دین ته ژمن نه دي

ولسمشر غني وايي ترهګر هېڅ دین ته ژمن نه دي

د افغانستان ولسمشر محمد اشرف غني د ننګرهار ولایت په مرکز جلال اباد ښار کې د کرکټ په لوبغالی کې د خونړیو چاودنو په غبرګون کې ویلي چې  د دغه ډول جنایتکارانه بریدونو ترسره کول زموږ مذهبي او فرهنګي ارزښتونو سره دښمني او د فتنه ګرو د جنایت او وحشت دوام دی.

د ارګ له مطبوعاتي دفتره په رالېږل شوې خبرپاڼه کې راغلي، چې ولسمشر په ننګرهار کې د تېرې شپې برید په کلکو ټکو غندلی دی او ددغه برید ترسره کوونکي یې د انسان او انسانیت دښمنان بللي دي. ولسمشر غني ویلي، پر عامو وګړو برید د روژې په مبارکه میاشت کې دا ښيي چې ترهګرې ډلې هېڅ قانون او هېڅ دین ته وفادار نه دي او یوازې انسان وژنې ته ادامه ورکوي.

د راپورونو له مخې د ننګرهار په مرکز جلال اباد ښار د لومړۍ ناحیې اړوند بهسودو پل څېرمه د کرکټ په لوبغالي کې تېره شپه ۱۱ بجې او شل دقیقې د ځای پر ځای شوو چاودیدونکو توکو د درې پرلپسې چاودنو په ترڅ کې ۸ تنه شهیدان شول او ۴۵ نور ټپیان شول.

 

Loading...

بیا وګوره

غزنی د سقوط له گواښ سره مخامخ دی

د غزني د خلکو استازي وايي چې د امنیتي ځواکونو او طالبانو ترمنځ د جګړې …

کابل د پاکستاني پارلمان پریکړه وغندله

افغان حکومت د خیبرپښتونخوا ایالت سره د ډیورنډ د کرښې په اوږدو کې د پرتو …